عمال النظافه...والاستحقار...!!

عمــــــــــــــــال النظافه ....والاستحقار والتقليل من قيمتهم
موضوعي اليوم واضح من عنوانه
...مجتمع مسلم
.......ومسلمين
............واستحقار
الثلات مايجتمعون مع بعض
البعض يمكن يقول انك ابالغ والبعض يمكن يرسم ابتسامه سخريه عريضه على وجهه...ان هذا مو قاعد يصير ويمكن يتهياء لي...!
بس حنا الى متى نعيش على استحقار الاوادم وان كانوا هنود
....ولا افغان
...او عرب ومسلمين من دول عربيه شقيقه
كلنا نعرف ان الحـــــــــــــــــــاجه اهي اللي خلتهم يذلون انفسهم ...والذل لغير الله مهانه
نلقى شوارعنا نظيفه
....بيوتنا ومطباخنا هم نظيفه
.........وزجاج محلاتنا تلمع
زين هذا كله ليه مايصير الا بالصراخ وذل هالعامل اللي هجر هله وبلده لاجل لقمــــــــــــــه....لقمه ياناس حسوا بهالكلمه وتمعنوا فيها زين
ليه نقلل من قيمتهم ونلقى صغارنا وشبابنا اللي بعمر ال16 واحيان الـــ20 يقعد يصارخ واحيان يكفخ عامل بعمر 60سنه...لهالدرجه صرنا مانرحم ولانحترم هالاوادم ...لهالدرجه صرنا مجردين من الانساينه
.........والاغرب نقول حنا مسلمين
ياناس الاسلام رحمــــــــــــــــــــــــــــــــــــه ...فرحموا من في الارض يرحمكم من في السماء
نظره وحده للغرب واحترامهم لهالوظايف كفيله اننا نعيد النظر بتعاملاتنا
.....والمشكله اذا امتدت المشكله للوافد والموظف واننا نحظ قوانين
.......انت وافد وودك تقدم وظيفه.......زين حط ببالك ان راتبك كذا ...وكذا ماراح يتغير(يعني ثابت)
..... وبعد حط ببالك ماعندنا لك ترقيات
زين ليش...؟سؤال تحته مليون خط
يمكن ان هالوافد يشتغل بذمه وضمير ويمكن انه يستحق الترقيه اكثر من المواظن اللي قاعد وراء مكتبه ويندفع له اللي مايستحقه.
ايه انا معك ان من حقنا نريح مواظنينا بس هذا مايصير الا بظلم الاوادم التقليل من قيمتهم واكل حقوقهم...واستعبادهم
ليه ماعدنا ...نحكم بكتاب الله وسنة نبيه
غــــــــــــــــــــــريبه اننا نتفاجأ اليا صابنا غضب الرحمن وسيول ...وطوفانات ....وزلازل.....الظلم مو صفه من صفات ربي
وربي مايرد دعوة المظلوم
ليه مانحط قوانين ثابته للمواظن وغير المواظن

//

/

مره قريت انه كان في مراء(اقصد حرمه)كانت تغسل حمامات بعهد الرسول صلى الله عليه وسلم وحين ماتت استفقدها عليه افضل الصلاة والسلام وقالوا له ماتت ....فقال دلوني على قبرها وصلى عليها ودعاء لها.
فخلونا جيل...رحيم وعادل ويخاف ربه في الناس

هذا واللــــــــــــــــــهـ اعلم

بأنتظار آرائكم وتعليقاتكم على الموضوع
بقلمي...
مودتي للجميع

غاليتي :-
دلع الكوٍن ..~

أولا ,,~

تسلم يميييييييينج على هذا الموووضوع
و ما شاء الله عليج ....~
دوووووووووووم تنتبهين على امورنا و اوضاعنا
فديتج و الله من جد ربي يحفظج يا الغلا ..~

الموضوع اكثر من رااااائع و يكفي انه واقع اليم و نعيشه ..~
و تستاااهلين عليه النيااااشين و الانوطه بعد ......~

ثانيا ,,~

نجي للب السالفه او مربط الفرس ..

بصرااحه :/ هذا شيء مؤسف و رغم كل هذا نشووفه كل يوم ؟! ):
لا نرااعي كبير و لا نراعي صغير و لا القدرات و لا الطاقات ..~؟؟!

كأنهم مب بشر يعني ..؟!
ليه كل هذا ..؟؟!
نحن ما نغلط مثلا ؟؟!
ليه نقلل من شان و عزه و كرامه الخلق ؟؟!
من نحن عشان نسوي جي يلي يضرب و الثاني يسب و الثالث بلعن ..!!؟!

هذا كله ليش من يلي عطااه الحق ؟!

[متى استعبدتم الناس و قد ولدتهم امهاتهم احرارا]

ما في احد بنكر اننا في هاذي الحياه نمشي و نصعد السلم ..
لكن هذا ابدا مب معنااه ان نتجاهل و نحقر من الناس الثانين

يعني مثلا :-

لولا الممرض ما بيكون لطبيب دوور ......... و لولا عامل النظافه الممرض ما بيكون له دوور
و لو لا المزارع ما اخضرت الديره ,,,,,,,,,, و لو لا و لو لا و لو لا من اليوم لين باجر .....~

العبره ليش نقاا من دور الناس .؟!!!! وش فيه يعني عامل النظافه ليه تقلل من دووره..
مرضت و انا احاول افهم ان الدنيا مبنيه على التكافل و توزيع الادوار و السلسله يلي
تشبه السلسله الغذاائيه هذا ما يقدر عيش من غير الثاني ...~

يا بقايا لو كل واحد احترم نفسه قبل اي شيء و عرف ان هو في نعمه
و احترم با جي الخلق كان ما وصلنا لهذا الوضوع الحين ؟؟؟!

و اخر شيء احب اضيف /
ان الله يمهل و لا يهمل ..~
يعني بيجيك يوم تذووق يلي ذووفته لهذا العامل المسكين
يلي كل همه في هاذي الحياة اللقمه الحلال و الستره ..~

و نحن حتى هاذي استكثرناها عليه !!،[ُ؛[ً’ً

السمووحه على الاطاااله /
دمتيـ~ برأإأإأإأإحهـ~ بأإأإأإأإلـ~

فعلا هالشي موجود في مجتمعاتنا
بعض الناس المشكله مايتخيلون انفسهم مكانهم يعني لو احد منا
طلع برا لأجل وظيفة(نظافه) وشاف الناس مايحترمونه مستحيل
يتحمل ورح يرجع لبلده لو يجلس فقير وماعنده الا اللي يسد جوعه
وهالعامل وش اللي مصبره ع هالوظيفه وع راتب مايسوى الا لجل الحاجه
وهذي بلد الشخص نفسه يعني هو المسؤول عن نظافة المكان
اللي هو فيه ولد البلد الثاني مو مسؤول لو مو حاجته
للوظيفه والفقر اللي يعانيه ماراح يشتغل عامل نظافه في بلد غيره
والله يهدي الجميع

تقبلي مروري